薯仔@LONDON - 我係港英餘孽

或者我咁講有d 政治不正確, 但去左歐洲咁多個國家, 的確係英國最有親切感既, 講既語言聽得明, d 指示又同香港差唔多... London 係我地歐洲既第一站同最後一站, 雖然景點來來去去都係果d, 但當我地見到一d 曾經或依家香港都有野, 相機馬上出動!!

<雙層巴士>

印象中好似係英國既出品, 我去過既其他國家都唔見會有雙層巴士...仲記得之前唔知去邊度旅行時話過, 都唔知d 單層巴士點解可以有足夠既capacity?? 香港人一向都只認識雙層巴士, 巴士係容量最大既交通工具, 亦都係英國留比香港既!!

<紅色電話亭>

香港人去到英國既NO. 1 影相位, 香港以前都有過架, 但大家有左手機之後, 唔好話咁大份既電話亭, 連公共電話都好難搵, 好似話英國都開始冇乜電話亭啦, 大家有得影好影啦.... 記住睇下入面d廣告wor, 果時我d 男團友個個都要影張"電話亭既咸濕佬"架...

<郁都唔郁既御林軍>

都係熱門景點, 但原來好難搵架, 大家當然可以係白金漢宮睇換兵儀式時見到御林軍, 但要好似電視見到咁係係隔離影相就要比d誠意啦... 唔好以為會有兩個企係白金漢宮門口, 係冇架!!!! 我地行左好耐, 最後係一條人都冇乜既小街道先搵到一個, 佢都真係幾勁, 好Q熱呀!!!

<呢個御林軍都幾肥下....>


<MIND THE GAP>

地鐵站真係同香港果D冇乜分別, 但應該冇咁多廣告, 港鐵utilize 站內既廣告位真係超級無所不用其極...感覺上當地既搶位坐情況冇咁嚴重, 有多d藝術色彩, 地鐵站會劃位比人做街頭藝術or表演, 感覺都唔错架!
小心月台空隙, 真係一隻鞋底有多架!!!

<比香港複雜一百倍既地鐡路線圖, 但要小心唔係條條線都有開架, 我地上次就plan 好左點行, 點轉車, 點知去到先知冇開, 要再plan 路線>

<香港當年既售票機, 自己check 左價錢再入錢, 唔係就咁噤目的地架>

<我地都好鐘意睇地鐡站入面d 廣告同畫, 好得意>
大家去到LONDON 唔好只識同大笨鐘影相, 好多好特別既建築架!

<似屈臣氏既大厦>

<半個太空館?>
仲有個國王的新衣架, 成坐BUILDING 都係玻璃, 出面只係見到D架...