著仔 to be @ 北京 - 一時衝動

今年既除夕, 會係北京渡過, 只因一時既衝動....

本來今個假期, 並無諗過要去旅行, 但因為D死人報紙話D旅行社生意差, 聖誕出淡季假, 一件疑似無知婦儒既肥仔就咁比騙, 以為真係會好平, 又起左想去旅行條根!!! 去旅行社拎D資料睇, Online 睇見首爾勁平, 即刻諗緊自己去咗樂天世界, 第二日真正去問價, 所有旅行社都呃人架, 我地睇中的冇滑雪特平團冇不特止, 仲好貴tim 呀, 一係就話full 哂, 邊個話今年旅遊業好淡架?? 個個唔係問歐洲, 就玩郵輪....... 果然係死一班人, 又有一班係度執著數......
我地之前冇話要去旅行, 所以個budget set得好低, 一聽到個團團>3000蚊的, 我地即刻想叫個agent 唔駛講落去, 但又唔可以太樣衰咁比人知我地一聽完價錢唔拾得...唯有扮哂有興趣咁聽, 之後即閃, 連佢地份行程都唔想要 (無奈)

正當我地諗住冇希望, 以孤且一試既心態問埋"變態旅行社"我地既第二志願, 肥仔恨左好耐既北京, 比我地問到個2字頭既團費, 之後我地因為對五天團的第五日行程無興趣,  "變態" 姐姐又介紹左個四天團, 行程仲係早機去晚機返, 包埋所有野都唔駛3000 蚊時, 我地兩個都15/16, 最後結果就係比左錢law...... 但我地今次真係好衝呀, 原因有三:

1) 由有去旅行既念頭到比哂錢, 前後不過3 日

2) 原始人肥仔既回鄉証 (係証, 唔係咭!!!) 過左期, 依家要去拎快証

3) 我仲未請假呀!!!!!!

衝動完之後, 依家唯有同自己講: "真係比以前旺季平左架....."

薯仔@MACAO - 新娘大遊行

去大三巴既途中經過主教座堂, 見到有人結婚, 第一眼見到對新人, 反應係:
"咁老既, 件婚紗唔ok wor....唔夠白呀...."
但之後見到咁多pair "新人"排住隊咁出現, 又諗:
"唔通拍緊戲, 但d model 唔多ok wor..."
最後終於明白, 原來係d 已經結左婚既人再次確認佢地既婚盟, 所以年紀會大d, d婚紗同禮服會out d 同黃d, 好多人圍觀, 佢地d 親友都黎哂做佢地既見証, 有d 仲同埋d仔女/孫仔女一同行出教堂tim....
真係冇試過一次過見到咁大新娘......
要白頭到老啦...(oops, 有啲已經白哂tim...)

F at comment 

F

薯仔@MACAO - 食食食

今年既生日, 去左macau 玩呀...結果玩既部分只係打機, 食就食唔停咁....

小島葡國餐廳 @ Venetian

乜原來葡國菜既份量咁大架, 叫左兩個菜, 食極都食唔完, 仲有人唱歌tim.. 但原來食緊野有人唱歌係超odd架, 望住佢地唱又唔係, 食野唔理佢地又唔好意思, 但都唱得ok gei...但我地因為唔係坐係出面"露天"部分, 所以miss 左9點的表演......


豬扒包 @ 營地市政大樓既熟食市場

平時係香港都唔會去呢d 地方食野, 係macau 反而食敢食, 但都真係幾dirty, 好辛苦先搵到張ok啲既枱, 去買野食既時候個男人好惡呀, 我話哂都叫野食呀, 好少少語氣呀, 唔該... 但真係very好食, 杯瓦煲咖啡好香, total 都係14.5咋!

 新帆船葡國餐廳@ 議事亭附近

又係葡國菜, 本來跟住本guide 想食翅, 但平既都係碗仔翅, 所以唔食, 去左呢間食國菜都巧合, 本來想去既果間, 因為唔firm 個位置所以放棄, 呢間都ok 架, 但又一次太大碟啦, d野食黎既時侯我地真係呆左law...

有我一隻手咁大既豬扒....

總括來說, 野雖然好食, 但d services 唔ok law.....

薯仔@歐洲 - 屈蛇訓街豪華團 (下)

除左訓酒店之外, 我地都有TRY過其他方式既"住宿"方法架:\

TRAIN TO PRAGUE – SLEEPING CABIN

去歐洲玩訓火車係一定有的, 其實呢晚既床都OK架, 我地六個人啱啱好一個車廂, 有上中下三格床, 根據訓上格既男團友話, 上面太多灰塵, 唔多OK, 結果走左去同另一位男團友孖舗, 超搞笑,兩個男人一頭一尾攬住訓, 訓前段movie 如果流出市面, 應該都可以成為各forum 既topic…但唔知點解, 火車上d staff 一個鐘頭就check 一次passport, 啱啱訓著又check, 成晚都訓唔好!

PRAGUE HOSTEL – 訓得最好既一晚

我地唯一一次住hostel, 就係係布拉格, 呢間hostel 係我既,去到之前我真係勁驚比佢地打我架. 根據direction, 我地suppose 可以5-10分鐘行到去, 但……我地由subway 出去之後, 要先經過一個valley, 我地六個人四個GIP, 兩個旅行袋,要先行樓梯落VALLEY, 再要行樓梯返上去, 行到中間已經FEEL 到有D殺氣係後面, 終於行到去HOSTEL 樓下, 先知我地位於五樓既HOSTEL, 係冇電梯上去架!!! 即係我地又要拎住D GIP 行多五層樓梯!! 好彩上到去之後大家都好滿意….

我地BOOK 左呢間HOSTEL既兩間私人房, 一間房有四張床, 換言之我地果晚終於可以一人一張床訓啦!! 我地間房仲有天窗, 可以睇埋星星tim..又有得洗衫tim… (可惜我地六個人既衫太多, 洗左乾唔切, 最終都要拎出去比人乾!)

但大家唔好太晏返去, 我地果晚9點左右返去, 上樓梯上到一半突然熄燈全黑, 超恐怖! 呢晚大家都訓得好舒服, 仲投訴布拉格行程太短, 唔可以訓多晚

TRAIN TO ZURICH – 眼光光等天光

大家去PRAGUE 火車站BOOK 位小心D, 我地果晚原本撘夜車去SWITZERLAND, 一早同個火車站STAFF 話要SLEEPING CABIN, 加左好多surcharge, 結果我地上車先知唔係sleeping class, 同過d staff 講, 但一d都溝通唔到, 我地又唔可以miss 左班車, 結果只好坐住咁訓左成晚, 拎起D扶手, 兩個人訓一排長椅的坐位, 屈住對腳之餘都唔夠位, 郁一郁都會跌落地, 超慘, 再加上passport check, 我最後好似眼光光等天光架!

ROME AIRPORT – 又通頂

因為我地會撘朝早點的早機返LONDON, 因為冇車去我地既山卡啦機場, 我地只可以早一晚去到訓機場, 我地果日食完DINNER 就出發去機場

呢個機場真係好鬼隔涉, 我地要先撘SUBWAY到一個好多黑人賣A貨既站之後, 再轉撘巴士, 但架巴士竟然可以delay 成個鐘先到, 我地真係超担心law, 因為原定既巴士唔見左,如果我地再 miss 埋之後既尾班車@ 9pm, 我地就會冇車去機埸, 亦都撘唔到飛機, 因為之後果日第一班車要8點先有, 都唔知有冇搞錯!!!!

我地到左機場, 霸好位諗住可以hea 一晚, 就繼續我地既鋤D大戰, 到左12 點, d 實Q 趕哂我地出去, 原來個機場會閂架, 我地好無奈咁坐係街度, 睇住兩個拎住AK47 既軍人係度行BEAT… 呢個機場以前既治安一定好差, 之後我地見DEPARTURE HALL 果邊好似唔會閂, 就走左入去, 但都冇訓過, 其實當時成個機場大把BACKPACKER 係度訓, 但我地仲未可以安心攬住個袋就訓……

6 點鐘, 我地一上機, 飛機都未起飛, 我地已經訓哂, 起身既時候, 已經到LONDON LU!!!

薯仔@歐洲 - 屈蛇訓街豪華團

一般人grad trip 去歐洲, 都會以流浪為旅行既方式, 以訓hostel 為主, 我地呢團其實都幾豪華團feel 架, 23日既行程得一晚訓hostel, 其他都係住酒店, 但我地又屈蛇住酒店wor, 六個人訓一間雙人房, 我地既團友由於大部分之前都去左美加exchange, 係US 果邊住Cheap cheap motel 都係雙人大床, 一張已經可以訓3個人果隻, 以為歐洲都會咁啦, 結果當然係計錯數啦, 歐洲所有我地住過既酒店都係超窄單人床, 兩個女仔訓都唔多郁得, 好彩一間房通常都會泊埋左兩張床, 算多少少位啦, 當然仲要論流打地舗訓啦.....

所以我地既GRAD TRIP 最多回憶係同住有關的:

PRE TRIP 搵酒店

我地一定要搵d 多房既酒店, 貪佢酒店多d客唔會唔易發現我地....但唔知點解歐洲好多都係細酒店, 一係就超級"隔涉", 亦造就左我地好多既笑料同緊張位....

PARIS HOTEL - 比個housekeeping 怨婦報串

呢間酒店其實唔細, 個reception 位又有條柱遮住, 本來冇乜事, 點知我地比個housekeeping lady 報串 - 其實我地第一日入到酒店房, 已經有d唔滿意, 因為真係太細間啦, 床同書枱之間, 真係一個人行過都有D勉強, 更何況我地有六個人係間房度, 我地仲係房度煮出前一丁, 真係郁都有D困難, 而且可以想像六個人屈係間房度可以搞到幾亂, 但我地都好自律下, 朝朝都會盡量執返好D, 唔駛執房既咁辛苦, 本來我地因為驚比人發現, 唔諗住叫人執房, 但因為我地第一日掛左DO NOT DISTURB 都冇用, 佢都自己入黎, 所以我地之後都放棄, 盡量執返好D就算, 但因為我地見佢都知我地有六個人, 所以冇收起D牙刷.....

到最後一日, 我地可以好順利咁check out既時候, 先至出事....

我地首先派要去做check out 既兩個團友出去, 之後我地諗住分兩個兩個咁落樓, 點知果housekeeping 大姑坐係後樓梯度啤住我地, 當然一定見到哂我地間房有幾多人啦....我地出左酒店門口等check out 既團友, 已經灰灰地, 佢地出黎既時候都話我地全部比個housekeeping 害左:

團員A: 好似你地出左黎之後, 個reception就即刻收到電話,之後就問我地: "HOW MANY PEOPLE IN YOUR ROOM?? SIX????"

團員B: 仲可以點WOR, 佢連我地有幾多個都知, 我地都諗住要賠錢架啦, 點知佢話算WOR, 勁好人LAW!
呢件事之後, 我地去到邊都收起哂D牙刷, 將D行李收入衣櫃, 只剩返兩個人合理既野先敢出去玩!!!

VENICE HOTEL - 斷正

今次間酒店recption 個位好正, 所有人入去都會見到, 平時我地check in 會搵兩個男仔拎四個GIP, 雖然誇張左D 同可能比人以為係GAY既, 但都唔可以Q 佢地, 今次因為間酒店用左我地一位女團友個名BOOK, 結果拎唔到四個GIP 之下, 我地混入去既時候失敗左..其中一位團友比人截停左, 我地當然好有義氣咁唔理佢啦, 一個死好過全軍覆沒MA. 之後我地只好KEEP 住個GIP 係火車站, 希望玩完返去換左SHIFT D 人, 再次混入去... 好彩第二次偷渡成功!!!

六個人屈一間房可以亂到咁-

FLORENCE HOTEL - 爬窗入房

意大利酒店真係好多野可以發生, 繼上次斷正之後, 今次仲漢堡神偷上身TIM…

今次既酒店"守衛"森嚴, 我地分析完敵軍及房間位置之後決定唔冒險行正門, 再加上我地間房係地下, 所以我地就決定漢堡神偷上身, 爬窗入去, 我地裏應內合,一個一個咁將人同GIP運入去, CHECK OUT果日都用同樣既方法,真係好彩冇比人見到, 唔係一定可以參觀埋意大利既警局.

意大利特產 - 洗pat pat 器

ROME - 訓機場

因為朝早6 點起飛返英, 最後一日係rome 我地冇book 酒店, 諗住鋤d 鋤通宵.... 結果不停咁比人趕, 機場都關門要出去訓街.... 成班經過一晚冇訓, 未起飛已經訓哂.....

MAMMA MIA

今日終於去左睇MAMMA MIA. 我真係恨左睇呢套好耐啦, 一直都好想睇佢個Musical, 但次次香港有得做既時候都唔知點解去唔到睇, 暑假既時候比我係APM 既Toilet (最鐘意APM PALACE 既地方就係個TOILET) 發現左會有movie版勁開心, 都等左幾個月啦....
我發現呢套戲時仲未有中文名, 之後係MTR 見到套戲叫媽媽咪呀時都覺得好搞笑, 好少會咁直接Translate 架ma, 但之後諗過又真係諗唔到其他名wor, 唔同叫"一個阿媽, 三個阿爸"咩? 反正大家都會講英文, 冇所謂啦...
其實我之前都唔係太知套戲講乜, 只知係愛情片, 因為本身鐘意musical, 所以都冇担心過唔好睇, 結果都冇失望, 但個人會鐘意睇phantom 果d 劇力更強既musical.... Meryl Streep 繼Prada 之後又一代表作, 佢唱歌好好聽呀, 好鐘意佢同Pierce Brosnan 果part, "Winner takes it all......" 完全係prada 女王個人solo law....仲有d 景好正呀, 幕幕d 畫面都靚到可以做postcard...可以睇到日落既church 呀........但我唔明點解所有女仔都著一件頭???
下個星期睇high school musical 3....

LEGO 奧運會

一日一法文: 奧運 = Les Jeux Olympiques

琴日的開幕典禮真的很精彩, 最後李寧的空中漫步都係高潮所在, 全個香港都有奧運熱...."支持中國隊", "中國加油"的口號周圍都會聽到, 但到底有幾多人唔係人云亦云既呢???我知我地已經回歸祖國, 要支持下, 但我真係覺得好多人都係好假架law.....最唔鐘意就係電視d旁述一ｄ都唔中肯, 唔理乜都好都讚中國, 我覺得咁樣係唔pro law....
但全城奧運的確係真既, 街上, 商場既電視直播大把人企係度睇, 要睇做乜唔返屋企呢??? 又唔係好似以前世界盃咁得cable 有??? 所有都有奧運既主題.... 我最鐘意新世紀既LEGO 奧運會呀... 好得意架!
<個人覺得最正既水立方>

<鳥巢>

<風帆賽事@青島>

<馬術@香港>

<四合院&後面既選手村>

仲有好多, 但唔係太sure 係乜....

Joey at 08/11/2008 10:19 pm comment

多謝你欣賞 唔sure係乜唔緊要 最緊要睇得開心

Joey at 08/11/2008 10:19 pm comment

你都話LEGO城正 咁你去咗睇展覽未呀? 去咗影相未? 月尾就完喇 城內LEGO人仔不時走動的 趣怪情景每次不同 記住要認真少少影相記錄呀 LEGO運動迷城迎奧運 地點旺角新世紀廣場 希望你多多支持本地LEGO創作 再來幫忙填份問卷, 我哋下次砌LEGO會改善的 http://www.hklug.hk

大頭薯仔 at 08/13/2008 12:20 am reply

我去左睇啦, 係咪你砌架 ?

薯仔@越南HCM - 電單車的慘痛回憶

越南有電單車王國之稱, 基本上個個本地人都會有一部電單車, 去HCM 之前, 有人話過行路的人一定係遊客, 因為本地人都會係電單車上....當地既的士司機都話"motors, crazy crazy..."

所以我覺得係越南過馬路係好危險架, 因為D 電單車會係四方八面咁過黎, 佢地當地又冇交通燈咁滯, 真係睇佢讓唔讓你架咋, 有時佢讓你但係咁繞開去第二邊都幾牙煙架, 特別係落雨既時候, 真係好怕佢地會洗軚LAW....

佢地落雨都仍然係電單車生活架wor. 但會加多件雨樓包埋架車, 個個都係同一款, 但唔同色...

係越南要小心既唔單止係馬路上既電單車, 仲有停左係度果d, 唔係就會好似我咁出事架啦.... 因為佢地個個都有電單車, 所以會有好多停左係行人路, 我果日就係行係呢d堆滿哂電單車既路時唔小心, high 到其中一部既死氣候 (我估), 痛到我即時彈起呀, 雖然已經即時處理左個傷口, 但返到香港都係手尾長.......2級燒傷呀!!!! 再加上我因為當時冇乜事, 都冇係當地睇醫生, 保險都CLAIM 唔到呀!!!!!十個慘!

p.s. 好似當地一部電單車幾千蚊就有啦!!

Ken at 08/27/2008 04:31 pm comment

Wow...lots of motorcycles!

薯仔@越南HCM - 搵食失敗記

今次既旅程我地都算食好住好, 但都有失敗既例子, 有d網友之前既介紹係唔啱我地既.....

Nhu Lan (50 Ham Nghi, Q.1)

呢間係食面包出名的, 因為肥仔最鐘意食面包, 所以我地一心諗住食法國面包夾扎肉, 當我地到門口, 有人已經因為舖面既local 情況而想縮沙, 但我又想試下d 地道野, 見間舖都多人&menu 又有英文, 咪入去食下law....唉, 真係完全唔啱食law......杯mixed juice 好飲, 但個面包太complicated 啦, 除左扎肉之外, 仲有好多我地唔唔知係乜既餸同sauce, combine 埋個味真係好怪..... 仲有個粉卷, 之前有人介紹, 咪叫黎試下, 勁唔得law, 好明顯係放左好耐, 個粉皮都幾硬, 我食左一半就食唔落..... 埋單VD 29,000.... 係平, 但真係唔掂law!!!

Diamond Plaza Foodcourt (係紅教堂隔離)

Diamond Plaza 都可以算係HCM 度好高檔既百貨公司, 所以入面個FOODCOURT其實都幾貴. 好似香港咁, foodcourt 有各個地方既野食.... 呢度d野唔係唔好食, 係我地叫錯jei..... 個蔗蝦都好好食....仲有個蒸粉卷都ok... 可惜叫錯左個pig assorted noodle.... 我以為係好多唔同既粉mixed 埋架..點知係assorted pig wor!!!!! 我地都唔食內臟架ma....對住碗野都唔知點...... 仲有, 唔好叫smoothies 飲呀, 唔好飲之外仲好滯架....(但即使係香港都好多唔好飲or 錯既smoothies, smoothies 唔係沙冰呀, 唔該!)

<呢個蔗蝦好食既, 而且勁大舊>
頭頓(Vung Tau) 食海鮮
頭頓係HCM 最近既一個渡假地方, 果度都好RELAX 同好靚, 好有外國FEEL... 我地果日去完耶穌山之後, 諗住去沙灘行下同食野, 沙灘度好多小販賣野食, 有燒大頭蝦, ETC..仲有沙灘椅可以坐, 都好正架.... 但我地到既時候, 天上有一大舊黒雲, 結果d小販都準備收檔..... 於是我地諗住返去碼頭果邊食, 諗住果邊都會有restaurants... 但原來d 餐廳係前灘附近, 行去都有一段距離, 再加上驚個天唔知幾時落狗屎, 又勁大風, 的沙滿天飛, 又怕miss左尾班船, 最終我地係碼頭既Lotteria 食....而Lotteria 係我最唔食既 JUNK FOOD 呀......好慘好慘......

at 10/22/2008 10:20 am comment

如果想去頭頓,藩切,古芝,芹直...五日四夜夠唔夠? 有冇local tour, 值唔值得去?

大頭薯仔 at 10/23/2008 12:15 am reply

我覺得有d唔夠時間wor, 你可能好多時間都會花左係搭車/船度, 去頭頓因為d船唔太密可能都要預一日(除非你好早出發), 藩切要兩日tour, 古芝可以半日, 芹宜都要兩日.... 但你都可以check 下d local tour, 會唔有團一次過cover 哂咁多地方, 唔駛你分開報, 但你最好放棄最少一個地方. local tour 既話我都會介紹sinh cafe, 夠方便又多人報, 一定出到團

at 09/21/2008 07:00 pm comment

麻煩你, 如果4日3夜夠唔夠玩,  請回覆

大頭薯仔 at 09/21/2008 10:40 pm reply

4日3夜都ok 架啦, 你想去咩地方先, basic 要去既地方都應該可以去哂.

薯仔@越南HCM - PHO!!!!!

去到越南, 又點可以唔食下越南河粉呢, 越南牛肉河粉叫PHO. 佢地果邊分得好仔細架, 最普通既叫 PHO BO, 其他果D 牛肉粉通常都會有牛什同D內臟, 所以叫既時候要小心D. HCM最多食PHO 既舖頭一定係PHO 24, 直情可以同7-11 比, 緊有一間係附近, 我第一日出去食Dinner 既時候就發現一間係門口, 我地仲話晚晚都可以去食消夜, 而且d waiter 都好好人, 我地去叫外賣, 等既其間坐低之外, 仲比杯茶我地飲, 香港一定唔會咁啦....

PHO 24

黑麻麻迷路記 - 其實都唔算迷路既, 只係個地點係我地既expectation 之外jei... 事緣我地有一晚諗住食號稱"唔食過唔算去過越南"既 PHO LE (413 Nguyen Trai, P.7-Q.5) , 諗住唔算太遠可以行路去, 點知行到果條街先知出事, 我地係街頭, 間野係街尾, 中間差成幾百號, 再加上夜晚, 條街勁黑之餘, D 本地人又望住哂, 結果唯有放棄, 原本諗住之後去食返, 但因為已經食左太多晚既PHO食厭左, 最終冇去呢間食LU, 但食過既人都話好食, 大家都可以去試下!

薯仔@越南HCM - 可以再食多次嗎?

Quan An Ngon (138 Nam Ky Khoi Nghia, Q.1)

雖然法國大餐好食, 但我呢d窮人好似都係對d 平民化既鐘意d. 所以Quan An Ngon 先係我既首選....呢間食順化菜 (但我都唔知順化菜係乜)既餐廳, 基本上去過越南既都會食, 同埋介紹, 我去食左一次之後, 日日都想去食多次, 但次次行過都好多人同冇位..... 真係好好食同抵食架....

環境都好ok, 唔會太迫, 本地人同外國人一半一半左右...

我地兩個人叫左五個dishes: 牛肉河粉, 蔗蝦米紙卷, shrimp in vietnamese sauce (原本以為伙大頭蝦, 但都好好, 有D spicy), vietnamese pancake（事前完全唔知係咩, 只因見佢價錢唔貴, 又加左價(好野先會加價架ma), 咪叫黎試下, 但結果係一般啦) 同埋bbq 魷魚（好好食, 但sauce 好正, 清得最快既一碟),  再加兩杯飲品, 埋單先 VD250,000....可惜我已經食唔落啦.....
最後要提係d waiter 好好人呀, 有個唔識英文既waiter, 見我地對知d 米紙唔識搞, 主動教我地.....

薯仔@越南HCM - 食到飽既法國大餐

我最鐘意既菜色, 有日本, 意大利同vietnam..... 牛肉河粉好好食呀, 但最鐘意都係啲越南小食, 所以今次去vietnam, 用左好多時間去plan 食d 乜.....

Au Manoir de Khai (251 Dien Bien Phu, Q.3).

首先, 法國大餐一定要食, 越南曾經係法國既殖民地, 但我都唔明點解係法國既殖民地就等於法國菜一定好食, 但本住要食餐豪既精神, 我地一到HCM 既第一餐就去左Au Manoir de Khai , 點解會去食Lunch 呢? 因為平一半law. 之前online 見佢set dinner 個menu 貴set lunch 一倍,  又好似會多到食唔哂, 咁咪食lunch law. 但原來都冇set lunch 既, 最後我地都係跟menu 叫.

唔知係我地去既時候已經1點, 定其他原因, 全程都得我地兩個, 而serve 我地既人就有3個, 我地好似包場咁, 好正!

龍蝦湯, d 龍蝦勁大塊.

主菜黑松露牛柳, 好食...

食主菜之前既柚子surbert. 下面仲有d 紅酒, 好香柚子味, 我最鐘意呢個..
成餐飯都好滿意, 連成日話食法國菜唔夠飽又唔啱食既肥仔都話得, 呢餐食左VD 1,500,000.......但因為D waiter 要serve 我地, 不停望下望下咁, 令我有係金魚缸既感覺

薯仔@越南HCM - Sinh cafe之江湖地位?! (Part 2)

Cao Dai & Cu Chi Tunnel One Day Tour

第二次join local tour, 一上車, 又係同一個tour guide....一上車就問我地, "do you remember me??" 唉..... 但全日我不停咁話佢係上次個guide既孖生兄弟, 呢日佢不停咁搞gag..."my name is duc, not duck...." 滴汗.....仲記得上次佢話d 動物酒時, "man more powerful" 真係笑死人啦.....

今日又見識到Sinh cafe 既厲害, 張receipt 安排埋座位, 等大家唔駛搶位坐... 之後3 個鐘頭既車程, 中間安排大家落車break 下去toilet, 係一間handicraft 工廠停車, 全程冇提過呢間廠, 但d外國人叫到d handicap 既工人, 又係佢地最interest 既handmade handicraft, 真係好大機會會買野law.. 一睇到間廠d價錢, 全部USD, 又有咁大個Showroom, 好明顯係sell 野架law...
古芝地道, 係當年打美軍時用既...爬地道既時候有啲驚, 我後面啲人全部提早出哂去, 搞到我包尾, 唯有死跟前面個鬼仔, 爬出黎既時候全身出哂汗.....

\

但今個local tour 好多時間搭車law. 其實係vietnam 旅行真係spend 左好多時間係交通上, 到last day 既時候先發現好多地方都未去過, 平時行既地方, 可以唔駛地圖都得, 但最後又比我地發現好多新地方可以行而又冇時間.....下次去旅行要注意下先...

薯仔@越南HCM - Sinh cafe之江湖地位?! (Part 1)

今次去vietnam玩一啲都唔難, 因為我地會join local tour. 睇咗好多既blog 同介紹, 都係講呢間叫sinh cafe 既travel agent... 咁我地都跟大隊join 佢地既local tour. 一日去左mekong delta, 一日去左古芝地道....兩日既行程都咁啱係同一個tour guide, 以usd10左右既價錢, 有咁既package.... 今時今日咁既服務資素太好啦!!

<朝朝都會出現既場面, 唔同國籍既人都係度集合.....我都想知周圍拍緊烏繩既agents, 除左眼紅之外, 仲可以點??>
Mekong Delta (My Tho & Ben Tre) one day tour

一個搭船多過搭車既團, 主要係Ben Tre 附近既島參觀, 主要係nature 方面既, 全個tour 得我地兩個係香港人, 但好多法國人呀, 不停都聽到周圍d人parler francais!!! 都有d衝動同佢地practice 下我啲BB 班LEVEL.....

<全日四島遊既地圖>

呢個團都有幾多sell 野位, 但唔似香港d 旅行團咁hard sell....最搞笑係個tour guide 一講完就趕我地走, 唔比時間我地買野.....可能佢肚餓趕住食lunch 呱??

<我地既lunch, 可樂係自己買的, 仲有菜湯同龍眼tim!!! 件bbq 豬扒好好食>
食完lunch 之後, 就參觀其他地方, 仲有生果食做tea... 之後就坐秈舨遊河, 我地得兩個人, 於是就同之前識左既德國女仔一條船....join local tour既另一個特色就係可以識其他國家既人, 特別係d 五六日既tour, 但我地呢個tour 得一日, 所以冇乜機會....\\

<小朋友都出黎搵食, 仲快過大人tim>

其實我由一開始個tour已經開始研究sinh cafe , USD 10 位, 包食包車包tour guide, 仲有支水同nuts, 到底點圍本呢, (我睇返酒店既tour, 同一個團要USD 30-40架) 而且佢個tour 既planning 都好好, 完全唔行回頭路, 個個島都係一條路行一個圈咁....佢個tour guide 都係我研究既範圍, 佢日日咁出團, 講英文應該多個vietnamese wor!!! 而且佢仲自己做埋講解啲製作過程... vietnam 啲人英文唔多得既前提下, 佢人工到底幾多呢????

薯仔to be @ HCM - 遊遊蕩蕩

當我同人話我會去越南旅行時, 都會有以下的反應:

"吓, 做乜會去vietnam??" "自由行, 唔危險咩??" "vietnam 有乜好玩呀?""越南去五日, 有咁多野玩咩??"

唔否認, vietnam 唔係一個common香港人會去旅行的地方, 會咁唔代表冇野好玩架wor!. 長大了, 反而想係後生的時候去一些將來可能唔會再去的, vietnam 可能就係其中一個..... 而且, 我其實想去呢個地方好耐啦, 今次終於有機會啦, 要食多啲牛肉河粉先得.

薯仔@台北 - 異地過新年

今次去旅行, 同伴係我既肥老豆波比, 從來未搭過飛機既佢, 終於可以衝上雲霄啦.....

我地今次既目的地係台灣, 我已經去過2次台北啦, 真係開始悶架啦, 而且我呢d浪人今次仲要跟團.....天呀....最重要係我去既日子係2月7日至2月9日..大年初一二三呀, 超級貴呀!!!!

今次既團其實都COVER哂所有要去既地方, 但我唔要同D唔識既人食飯呀, 我要離團...OR返酒店睇電視都得wor, 反正我本身都係睇台灣d電視節目多d!!!

*************************************************8

今次係我第2次唔係香港過新年, 之前係去美國exchange 既時候, 同返班香港exchanges or 留學生食團年飯....而今次, 係純粹去玩.....

本來一直都唔諗住新年黎台灣, 話哂中國人地方, d舖頭全部唔開點算, 但經過旅行社再三保証, 又真係冇其他choices之下, 落實左我既台灣之旅....

結果係機場見到康泰老細派利是, 好心派埋比隔離團啦, 唔同旅行社ja ma!

去到當地, 其實唔係好feel 到新年氣氛, 九份, 西門町差唔多所有舖頭都有開門, 士林好似仲多人過以前...

台北101 多左個福字, 都幾靚架

最後一日係橫風橫雨之中去左淡水碼頭, 水靚河飛, 算到此一遊吧! 可惜去唔到我想去既台北故事館....下次再去, maybe...