薯仔@ TAIWAN - 前傳

從肥仔決定今年不做手術開始, 歐洲之旅基本上已經落實了.... 從畢業到現在, 儘管我們每一年都會去旅行, 但總是離不開五天的短程旅行, 長假就是不會批准, 肥仔眼看著同事們一個一個的歐美澳, 自己郤總是衝不出亞洲....

肥仔:" 我幾時先可以去超過10日的旅行呀??"

去年暑假, 原來的北歐之行, 換不到機票, 轉去土耳其, 但最終是什麼地方都到不了, 他入院了.....

這一年, 再一次的計劃北歐三國, 再加上我要小試牛刀的巴黎, 行程定下來, 花錢也不理了....但今次, 我們死守Asia Miles 到最後, waitlist 就 waitlist 吧, econ 來回無位, 我們就等單程bussiness..... 我們和Marco polo 的CS 周旋了個多月, 要他們把我們的Priority 推高, 又幫我們多加些waitlist 的航班....

6月8日, 我們收到通知, 有機位了, 我們的巴黎可以成行了......但這一天, 我們也知道了獅子妹的存在了..... 

一開始我們只是打算更改行程, 把北歐部份cut了, 只去英法兩國, 減少周車勞頓, 再問了醫生, 也沒有反對我們去巴黎... 但即使我們再怎樣希望出發, 1x小時的長途機我是不是受得了? 飛行時的幅射會影響嗎? 即使是坐business class 也是有所担憂的, 只好忍心地放下吧...

當我們放棄去歐洲的時候, 所有人也說旺季換不到機票的asia miles, 很多航班也confirm 到機位了, 每一次收到這些notification, 心中總會一點點酸的感覺, 但獅子妹是最重要的, 我們約定兩年後的暑假, 和獅子妹一起去英法吧.... 芬蘭的部份下次吧, 感覺我們每次打算去芬蘭都會有阻滯要轉其他地方/停飛呢.....



那我手上的兩星期假期, 肥仔的暑假怎樣過呢....留港發呆, 我們兩天都受不了.....長途旅行是去不了, 但短途飛行我們不太擔心, 只要當地的衛生情況不錯就可以了, 日本有幅射, 一定去不了....韓國和台灣, 最後還是選了去慣去熟的台灣, 肥仔可以買書, 我可以shopping, 再加大魚大肉食好野, 感覺也不錯喔, 重點是1個多小時機程而己......

出發之時, 獅子妹已經三個月了! 我們最後一次的二人旅行/首次的三人行 (算是吧) - <2+0.3> 台中x台北 出發啦!

薯仔@沖繩 - 後記



沖繩, 可以自駕, 也可以像我們搭巴士, 不一樣的玩法, 不一樣的體驗.....

但如果我再一次到日本旅行, 我真的想學一點點的日文, 言語不通我真的是很不滿呢.....

這一次, 我們的手信中, 買了這個我們這一家的擺設, 雖然你不是MADE IN OKINAWA, 但獅子BB的名字, 從肥仔買下這個擺設的時候, 已經定了.... (某人還嘈了很久很久, 說這個獅子BB很像獅子妹呢.....)

這是我在YAHOO 的最後一篇遊記, 也是我們最後一次的二人旅行... 下一個旅行, 算是三人行吧!!!

下一個遊記會寫在那裏好呢........ <2+0.3> 台中 x 台北............ 希望還有人會來看看吧.....

薯仔@沖繩 - 那霸空港

我的遊記很少會介紹機場, 主要是因為我們每一次都會最後的兩小時先會到機場(比較好的情況....) 所以CHECK IN 和其他手續完成之後, 已經冇乜時間可以四圍行, 再者機場比我們的感覺是賣名牌和呃錢紀念品的地方, 除了食野打底之外, 不想在機場shopping.....

但這一次, 在肥仔的要求下, 再加上是" 日本的機場" (日本呀! 即使係紀念品都可愛啲架!), 我地預留了一點時間去機場行下加食lunch....

好方便加好近的機場, 由酒店坐monorail 去, 不用15分鐘.... 最後一次在這個monorail 站, 第一次看到這麼天氣下的靚景....



日本的鉄路車廂,  當然是充滿了他們的軟文化, 這個小心車門的標誌, 我看了很多次, 仍是覺得很得意.....



經過小祿站的附近, 看到這個軍隊招募的廣告, Q板很可愛.....




差不多到機場啦, 那霸空港是軍民兩用的機場, 所以在機場附近, 會看到軍隊和基地.... 到底軍營在沖繩佔多大, 我想有40%的地方....日本人又想不想有美軍在這裏呢????




我們的計劃, 是先CHECK IN把行李寄倉, 再走回國內線的餐廳食LUNCH 加shopping..... 但當肥仔仍在找怎樣去出境大堂那一層的時候, 我指一指角落的櫃台, 肥仔O哂咀.... 沖繩的國際線terminal 真的是十分大分頹, 一個時段只可以接受一班機的客人辦理check in , 有一個不知是地勸或是關員的姐姐守著CHECK IN角落 的入口, 有一個板子寫著各班機的CHECK IN 時間, 所以我們早到了也沒有用, 又不想存行李入LOCKER, 只好減少食飯的時間, 先等CHECK IN 好了....






CHECK IN 的手續很快, 之後我們又走回旁邊的國內線TERMINAL, 真是天與地的分別, 這次旅行我和肥仔少有的共同行動 (i.e. 某肥仔冇病過, 弓喜弓喜!) 最後一日要分一分開啦, 我食我的壽司, 佢食佢的西餐..... 機場的壽司店, 味道也不錯, 除了不懂日文的我, 其他客人和師傳好好傾呀!!!!



我的壽司SET, 海葡萄壽司得特別, 但沒有帆立貝和甜蝦......



肥仔那邊, 望住這個VIEW食飯.... 這個機場真的很近海邊呀!!



食完之後我地又最後衝刺, 買手信, 之後便入閘了......我們預了40分鐘左右入閘過關這些手續, 這個時間在一般機場很合理吧, 但在沖繩, 你預20分鐘夠啦, 只要5分鐘, 入閘, CHECK 行李, 安檢, 海關已經全部完成, 之後, 你要在一個只有一個超小的免稅店的侯機室等上機, 早到的好處, 是你仍然可以在那兩部大家用來洗埋最後的零錢的VENDING MACHINE 有更多的選擇而己.....

仲有, 請先去洗手間再入閘, 侯機室的洗手間, 是全日本我見過最污穢的!!

指定動作, 上機前必影一影, 比影香港機場的電子板合理好多......



TIME TO TAKE OFF..... SEE YOU NEXT TIME!!!

薯仔@沖繩 - 泊市場

最後一日啦, 我們回程的時間是下午, 仲有一個朝早多少少的時間行下...... 於是一起身先來個二選一, 去前一日殘念的戰壕好, 定去泊市場食魚生好呢???? 因為戰壕始終位於南部, 而同要搭巴士去, 擔心唔夠時間來回, 再加上薯仔大人黎左日本五人竟然連一件壽司魚生都未食過, 便決定去沖繩築地之稱的泊市場好了........

泊市場雖然位於那霸市內, 但並不在MONORAIL 的附近, 窮人的我們為了慳錢, 同埋擔心語言不通, 沒有搭的士直達泊市場, 反而誤信旅遊書的介紹, 以為行15-20分鐘便到....這一天雖然風和日麗, 陽光普照, 但在4月初春的早上街道行了最少30分鐘, 薯仔我基本上已經完全急凍了.....

即使個VIEW 再靚, 但海風真的凍死人.......

<放假先黎落雨, 絕對比唔上返香港先黎好天的灰>




終於看到泊市場的標誌啦....但由我們看到這個標誌後再行, 最少行多10分鐘先到泊市場... 中途仲要係人影都冇, 是一個鐡絲網看不到裏面的外圍, 在到達前5 分鐘, 我們基本上打算放棄了..... 打算沿路折返去食早餐算了...... 但唔知點解最後又沒有放棄再行多一點點, 總算到達泊市場.......




在門口, 先見到的是一輛新華旅遊的旅遊巴.....進入市場後, 大失所望, 有一半以上的店舖都是關門的, 星期天的關係吧......而仍然看門的店, 很明顥是做遊客生意的, 沒有想像中的即開/切即食魚生, 在雪櫃內的全是已包裝好, 和我在吉吉島超市看到的魚生沒分別的...而買魚生的客人, 全是香港人 (即係新華團所有人), 本地人只看到一兩個, 在遠處立食的一間店, 但好像不會做生意的樣子......

對啦, 日本的魚生跟鼓油是分開的, 所以如果我在這裏或是超市買了魚生/壽司, 要另外再買鼓油, 最後即使我再想食帆立貝和海膽, 但不想拎一支100ML 的鼓油, 不吃啦!!!!



說實在的, 泊市場真的很失望, 早知去戰壕 (呢個時候, 肥仔先話朝早去的話應該趕得切.....)

薯: 你唔早講!!!!!

肥: 我好尊重你架麻!!!!

薯: 你著咁多衫, 我凍死啦..... (謎之音: 有乜關係)....


ANYWAY, 泊市場之後, 我地行返去國際通食BRUNCH... 咁樣行返去又好似唔係好遠咋,可能我地今次行小路, 前一晚我地已經鎖定目標, 諗住去一間樓上CAFE食早餐的, 點知去到先發現間CAFE11點半先開門, 我地兩個好肚餓啦... 唔想去STARBUCK既情況下, 去了旁邊一個coffee shop..... 在卡樂B的對面附近...不錯的, 大家可以去試下....



一如以往, 店員不懂英文, 指手劃腳下完成點餐, 最後一天, 終於飲到我恨左好耐的GREEN TEA LATTE 啦, 三文治都好好食架....





食飽飽, 再在國際通.平和通行一行, 買了兩盒我覺得好食的海葡萄 (牧志近魚生店的果個側門入第一間店, 有得試食的).... 要回酒店出發去機場啦!!










薯仔@沖繩 - 宮崎駿 . 首里城

在沖繩本島北上左咁多日, 第四日終於留返係市內參觀, 不搭巴士, 改搭MONORAIL 啦....第一站, 原本想去的是在地的LOCAL CAFE, 我地食左兩日的飯團做早餐, 呢一日諗住可以正正經經坐低的嘆杯咖啡/Green Tea Latte 先出發...但當你向住一個目標進發時, 總是會充滿障礙, 我地在沖繩市內找不到一間開左門的cafe.... 又唔想食starbuck /mcdonald....一直行一直行, 又落埋雨... 最後總先找到一間好普通好普通的半自助24小時早午晚餐宵夜店...在別無選擇下只好食吧, 辛苦店員啦,  我想佢地一個月都冇一單外地人黎食, 即使有鬼佬, 都係認日文的, 只有我地兩個要佢地講英文.....
好又一餐, 涷蛋又一餐, 算是坐一坐, 等停雨吧.....



食完早餐, 仲有d雨, 便決定先去美術&博物館走走先....呢個museum 唔算好大, 如果唔係有宮崎駿的手搞特展, 其實冇咩太特別的展覽, 真的會只是到此一遊就可以....美術館的部份, 大部份都是畫, 冇雕塑, 冇裝置藝術, 走寫實路線多... 唔岩睇...... 宮崎駿展一開始的作品未出生, 到龍貓, 魔女宅急便的有點興趣, 後期的作品又沒有看了...我們走馬看花的看, 門票都蠻貴的, 但日本人真的是一張一張原稿仔細看, 是民族情結加集體回憶吧......



最後去博物館的部份, 展品以歷史為主, 也是有點悶, 但很貼心的是有免費的ipod導賞, 總算令我們有一點興趣, 聽一聽, 了解一下....



之後我們再出發去市內最重要的景點 - 首里城.... 但相比起日本國內其他的城堡, 遺產, 這個真的一點都不特別..... 走一走, 看一看當年琉球皇帝的生活, 首里城外圍正在裝修, 但仍然可以入去參觀, 而且仲可以係無障礙的, 照顧到不同人士的需要....



在裝修中的城前, 呢四位仁兄想扮F4定想點??

呢d先係靚仔!!!

要去首里城, 除左搭MONORAIL 之外, 仲要再搭巴士的..雖然我地回程時行返首里站都唔算太遠, 但我們等巴士的時候, 發現在呢間便當店, 深深的受到這個Doraemon 便當的吸引..本以為日本仔出品, 外表同內涵都會唔錯, 但呢個便當, 味道幾好, 但入面的食物冇叮噹主題呢... 個盒都唔可以recycle 再用的... 中伏烏.....



原本我們還打算搭巴士南下去戰壕的, 但想走捷徑不想由那霸巴士總站坐成個鐘車, 諗住去個最遠的monorail站再轉車, 結果找不到巴士站, 時間也不足夠了... 為免去到關門, 或者冇尾班巴士返唔到黎, 我們決定放棄, shopping 去....
但唔知係心理作用定點, 總覺得在沖繩的衫唔啱, 又或是不值這個價錢, 連在藥粧店的收穫也是少之又少.....這一天的晚餐, 又是燒肉, 真的是平野, 任食的燒肉和第一餐的貴食得出有分別 (肥仔話無分別.....)這個任食燒肉, local人加遊客也有很多人, 經常full 的, 但感覺好像是在香港梨x園之類食任食韓燒的感覺.....


返到酒店, 又是執行李加影手信大合照的時間... 旅行快完了, 遊記也有點趕收工了... (大肚婆記性差, 很多細節失左憶, 所以冇乜野寫...)