肥妹妹手記 - 巧虎大神

巧虎大神來了!!! 我屋企依家係老虎樂園.....

坊間真係有超多教材比連PN都未返既BB (冇錯係BB，連小朋友都未進化到😓) 我呢D新手媽咪當然中過伏交過學費啦，但真係只有巧虎神我肯繼續比錢供奉落去，呢個日本來的洗腦教育系列教生活認知自理真係得!

一開始我先訂了半年的台灣寶寶啟蒙版，肥妹妹一見鐘情喎，DVD 大約15-20mins可以接受，每次比佢睇呢位小朋友都要拎埋書同公仔同玩具成個架部齊哂先得㗎😅，之後就跟住唱唱跳跳，好多時睇一次就識左, It's MAGIC!!!

雖然台版製作精美D, 客服交帶好多, 價錢連運費都仲平過港版, 但生活認知日常對話都係要廣東話好D, 所以之後等到書展就改訂左港版.... 為免重覆, 我直接訂2015年起的寶寶版再加9月開始的幼幼版, 然後去完旅行就比巧虎大舉入侵, 一口氣收返2015年3-8月號啦..... 價錢係貴架, 但可以接受, 而且好快見效, 肥妹妹又鐘意, 真心覺得好先會寫呢篇介紹文架... (你又唔見我寫隻老鼠??)

一開始唔想要啲玩具，屋企已經太多啦, 但依家發現佢既玩具對唔同月䶖既小朋友有不同既玩法，不同既學習，反而慳返唔駛買(咁多)其他玩具...

至於天價的英文教材, 我屋企都有果套天價的米奇老鼠 (唔好問我來源, 我無錢的!), 同埋YBCR, 但個人覺得都係親子伴讀重要D, 自問冇時間同佢日日咁睇 (有時間都做其他野), 同本人真係唔係好頂得順果隻老鼠...所以我只當呢D教材係肥妹妹的READER 之一, 唔會期望佢自己睇然後變左鬼妹囉.....  但肥妹妹真係對果套60-70年代到依家都未進化過的老鼠冇興趣, 反而鐘意YBCR多啲, 會自己拎D卡出黎玩, 坐定定架....