買BB 飛教學

有些人覺得, 有小朋友之後頭幾年都不可以去旅行, 辛苦之餘BB又不會有什麼記憶.... 但對我們來說, 和肥妹妹一起去旅行, 是我們十分期侍的事情....打從肥妹妹開始, 在我們要停飛的這段時間, 我們一直在計劃下一次, 下下次, 再下下次的旅程, 也決意要用盡 below 2 的BB平飛....

我們的第一個旅程, 是今年聖誕的台北之旅, 簡單的短線旅行, 熟悉的地方, 良好的配套!

訂過BB飛才知道, 我們很多的"以為" 都是一場誤會....

誤會1: BB飛都很平很平很平
一直以為是我們機票的一折, 錯啦... 是正價機票的一折才對!!! 我們因為聖誕正日出發, 成人的機票也很貴, 連稅要2500/pax.... 訂好我們的機票, 便打電話訂BB飛, 這時才知道肥妹妹的BB飛要800多元... 我們問過CS這個價錢是怎樣計算出來, 才知道我們一直都誤會了... 但成人票已出, BB飛的價錢多少也一定要買, 但下一次再買BB飛, 可以試打去問問BB飛價錢, 加埋一起格價....

誤會2: 所有Airlines BB飛都是一折
又錯啦, 一折是一般的做法, 沒有說是一定的.. 因為BB飛一般都要打去Ticketing 直接買, 所以可以做比較的很少.... 如果是淡季, 有時候兒童飛做特價可能會平過BB 飛, 可惜我們永遠都是旺季常客....

誤會3: BB飛沒有行李
錯錯錯, BB飛最抵是行李, 10KG 額外行李重量加一架BB車..... 另外仲可以訂baby food的

誤會4: BB飛有位座
我指的是機槍入面的BB籃, 一般來說有BB同行會安排第一排的座位, 但不一定有的... 因為BB不佔座位, 一班機可以有很多BB (其他人大穫鳥, 嘈到拆天...), 先到先得....

我們在訂BB飛之前, 都有問過下其他人訂票流程, 因為BB不佔座位, 所以可以機場先買都可以, 當然不建議這樣做啦!! 一般做法都是先買大人票, 再打電話買BB飛, BB飛是跟大人票名下的...
我也試過在ZUJI, PRICELINE 輸入要買BB飛, 但都會叫你打返TICKETING的....

如果是ASIA MILES 換機票, 也是先REDEEM 左自己的機票先, 有時間的話最好打埋比佢地, 加個REMARKS 話你會有BB一齊飛, 睇下可唔可以劃定BB Basket位....之後再打電話去ticketing 訂BB飛, 同樣會以正價1折左右+tax 計算, 同你redeem 張機票唔駛比錢無關的.....

暫時記得咁多, 遲D再分享下同BB旅行既CHECKLIST, 等一些想去旅行又15 16的爸爸媽媽可以參考下, 同小朋友製造更多開心回憶!