Final Count Down

終於進入最後倒數階段, 心情仍然是超級不安.... 不安的原因絕對和婚前恐懼無關, 也和rundown 無關(well, 都真係幾煩...) 我地從engaged 開始, 真的是充滿困難, 先是我自己的工作, 再來肥仔的恐慌事件, 到現在即使肥仔好轉中, 但仍然係有陰影, 而且仲要加上我的grandpa issue..... 我只想做個開心新娘姐, 不用世紀婚禮, 古怪主題, 點解都係咁困難???

anyway, 上星期過完大禮,可以派帖了..... 雖然之前想過要做得完善點, 等人地黎飲都會開心點.... 但原來實際execute 好難, 先是出facebook save the date, 因為場地限制, 要跟同事之前結婚的做法, 弄得有點混亂, 再來是真派帖,最理想當然是親身派, 但時間有限, 有啲又難約, 最後都係要轉交其他朋友或寄出....可能我地真係太懶啦!! 但正常人一生一次的project, 冇經驗真係好難可以做到面面俱圓.....
接下來還有同各大工作人員密斟的部份, appontment 總算一早問了, 主打的也約好了... 時間也開始不夠用啦. weekday 的日子要辛苦一點啦....同事問我這個project 之後的weekend 會否很得閒, 或是多時間得滯, 但現在的我只想可以hea 睇電視, 和plan honeymoon 而己...

honeymoon 的機票訂了, 肥仔乜都唔理要起飛!! 最完美的日子已經full 左, 我地只有9日的時間, 去兩個地方仲要蝕埋時差.... 但我地一時衝動先買機票, 只好(在肥仔可以接受的情況下) 盡玩吧....昨天我地去了教會姊妹的婚禮, 和我們地點一様, 結果我地好似party crasher 咁去睇場, 雖然婚禮期間都可好專心, 但都真係忍唔住會分析下pros / cons, 希望當日可以順利, 最後呢2x日唔好再節外生枝了!!!!!!


<煩到震的過大禮 @ Oct 16, 2012>

Wedding Postcard

這一次的Wedding Planning, 讓我花上最多時間的絕對是ART DESIGN 的部份.... 中學時零藝術天分, 又識畫畫的我, 不知道從何時開始, 發掘左這麼文藝的一面...... 結果, 這一次JW Wedding 當中的一切平面創作, logo, 程序表, invitation, direction sign.....都由我一手包辦, 雖然無人地專業的做得好, 但當見到自己一手一腳想法變成圖片, 再變成實物, 真係好好好開心!!!

今個blog 的主角, 係我改完又改的wedding invitation... 一開始打算只用相加字做成, 方便可加可減地印刷.....後來又因為要整地圖卡, 而看了一下e-print... 結果發現用eprint 印雙面反而仲平, 所以便決定走回正途印婚禮邀請卡.....問題來了, eprint 接愛的format, 我之前都冇用或唔熟, 為左可以用自己既design, 我由頭開始學玩illustrator......

小小的皮毛學到了, trial version 到期了, 要等收到pre-wedding 相先可以真的試整.... 因為原本打算印相, 完全冇打算過第二面要用咩圖..... 試左幾個ideas 之後, 唔知邊度飛左個postcard 既idea, 把我地既邀請卡做到好似postcard, 連字體都找一些似手寫的字型....另一個idea, 是出一套4款的postcards, random 地放入帖內, 到收帖的親友手中時才知誰拿到哪一張... 這樣子, 我做了一個有一點點關係, 但又唔係純粹轉相就完成的CA Collection postcard series......

草稿PDF圖, apps 去醫院比肥仔approve....



approval 之後便拎去eprint 印, 我無格價, 只知道好多人係度印, 懶得搵....如果upload 上去個file 無錯佢地第二日會通知你去拎貨, 由下訂單到收貨, 最多三日.... 收到製成品雖然好開心, 但都真係見到自己功力唔夠.... RGB 呀.... 我應該唔知點搞到所姷色都行CYMK.....




雖然未過大禮, 啲帖未出得街, 但某肥仔早已私下派帖, 大家對我最後嘔出黎的ROYAL STYLE 好鐘意, 本身啡色主色的相,我好辛苦咁用小畫家做成風琴PATTERN, 將張相由真變橫.... 再加上以前羊皮紙的底色, 唔覺意找到的花紋圖案, 我部腦又咁啱有OLD ENGLISH的字體, 三合一好鬼夾.... 雖然英文版唔應該跟中文地圖, 但要我再畫多長英文版地圖 (用小畫家畫架!!!) 我真係會CHI SIN..... 所以中西合髽, 請見諒.....

後記: 說好的RANDOM... 肥仔完全無視.... 一味要派自己好樣D的 (相對而己....) 又因為中英文版的關係, 總會一些分流......

廣告時間:

E-print http://e-print.com.hk/home_page
我造的是彩色咭片 90mm x 140mm
HKD160 / 100 張 (以100 張為單位, 印多啲每張單價會平D, 但因為我地玩SERIES, 無款ORDER 100張)

Adobe 大作戰

收到春天的相後, 係時候開始整WEDDING INVITATION CARD 啦... 原本我地打算用相代替的,但後來因為要加地圖咭, 計落直接印咭用哂底面方便又抵啲......

決定用咭之後, 便開始design 啦.... 本來以為好易整, 以為係電腦見到點就係直接print out　出黎個效果.... 當然之後睇左完稿須知之後, 就知道自已大錯特錯啦... 雖然都可以用photoshop, 但最後都係決定由零學起illustrator.... coralDraw 都有睇過, 但因為illustrator download 完個trial version 先所以用佢.....

我用的是trial version, 所以由學個software開始到final product 都要一個月內做完..... 

雖然話illustrator 都可以做graphic 既野, 但講到執相同畫圖, 我都係用返我至愛的光影手同小畫家多啲.... function 唔多, 但啱用.......

本來整地圖咭都已經搞好左個地圖, 但因為配哂色, jpeg左, 依家用illustrator好唔夾到色.....所以再用小畫家畫過..... 反正個map 都係陪襯成分多, 畫cute d 得意啲....




之後好多配色, 相既準備都係先用其他software 搞好, 都最後的平面設計先用adobe....希望趕得切trial period內整好啦......

...

每天看著Count down.... 很無奈的不知所措...

從醫院回家的路, 很難走.... 我的功能是BACKUP, PA, claim 保險.....但感到的是無能為力... 醫學知識做不到, 病人照顧做不到, 心理輔導沒鬼用... 明知現在最重要是撐住佢, 過左手術後的recovery先, 但我的悲觀主義, 我的胡思亂想邊個可以接收....

多謝老細的體諒, 不介意我每天的準時放工..
多謝肥妹仔和其他知少少的朋友, 唔知可以講咩都撐住...

肥仔加油!
薯仔加油! 減肥同步進行也加油....

"When everything is too good to be true, a new challenge is waiting at the corner."  Ca, May 2012

我們的SUMMER TRIP正式取消啦, 肥仔出事啦....

兩個星期前, 我們的芬蘭機票沒有位, 又一次的轉飛土耳其.... 期待著這個歐亞合一的國家的古怪事... 但第二日開始, 肥仔就SICK LEAVE 了.....上星期五, 入院了, 做手術了.... 我撐不到了.....

一直都在想, 如果我早一點去探佢, 事情係咪都仲會係咁???點解當時無覺得佢成個星期既SICK LEAVE 有問題?? 到底中間發生咩事, 佢睇左三次醫生都冇發現而變左延誤... 手術做完, 天天的出入醫院, 準時放工, 天還未黑, 個多小時的車程, 才見到30分鐘多一點, 幸好有老細的體諒....多一份PART TIME 的私人助理加傳譯..... 即使辛苦, 但擔心的也只是要及早解決的(而仍未發生的) 婆媳問題... 一定要好好改善肥仔的少爺性格, 加強他的自理能力.....

一直最可怕的醫院來電, 總是在大家最安心的時間才出現....不想胡亂估計了, 就是上次的方案不成功, 要行另一招了... 他又要比劏了..... 能說的都說了, funny 的, 安慰的, 強硬的, 不知所謂的都齊了... 明天請變得更好!!!!! finger croxx!!

感恩的事他的隔離床都是CHRISTIAN, 也很關心他.... 如果明天見到他們吹水就好啦.....

"A challenge is to overcome, it may slow you; but could never take you down."  Ca, June 2012

這一年的夏天, 我們放低了翅膀, 未來將會走得更高更遠!!!

P.S. 我的私人助理收費, 一個MIU MIU 算平你啦!!

出走台北 - 後記 - Hello Kitty 候機室

出走台北 - 後記 - Hello Kitty 候機室

文章日期：01/25/2012 11:23 pm

來的時候, 剛知道長榮的hello kitty 客機會於12月8 日(即係回程果日) 重新出動, 曾經有想過會不會有得坐.....結果當然係得過想字之餘, 飛機也沒有有來的那隻舒服, 重要有個肥大男人座隔離.......... 佢明明想調位架ma, 做乜最後又唔郁呀!!!!

有hello kitty 客機, 有hello kitty 候機室, 真的是一個景點來的!!! 但這個候機室在terminal 2, 所以坐cathay 的話是不會去到的!!!



好多細節野都做到hello kiity, 最特別係張bench 上面既貓樣!!

最多人影相的地方, 一定係呢隻貓.... 全程都係自拍既我... 真係唔可自拍同咁大隻貓影到, 便請人幫我影.... 找了一個香港人, 佢唔多願意law... 我諗佢冇expect 有人要請其他人影相吧 (aka 會有人一個去旅行), 有點不是味意的感覺.............



假期早就完了, 返香港啦.............

<後記>

雖然影相方面會麻煩一點, 但這次的一人行我真的是玩得很開心, 很自在.... 將來如果有時間, 而肥仔又去唔到的話, 我仍然會一人行..... 但亞洲我覺得岩一個女仔去, 而其他人又會放心的地方唔多... so far 都只係想到台灣同日本,

但回到香港, 當大家知道我一個人去旅行之後的反應, 我唔鐘意.... 你可能覺得去旅行要二人同行或以上, 又或者一個人唔安全冇照應, 這是你的意見, 但唔好否定我一個人去旅行既開心, 唔好把potential 的旅行方式定型, 唔好將自己既意見想法apply 係我身上.......

不明白我的一人行, 你根本唔了解我.....

出走台北 - DAY3

出走台北 - DAY 3

文章日期：01/21/2012 10:13 pm

一人行很快就到尾聲啦, 最後一天, 我如常地去食一人早餐(如咩常,第二日咋麻), 睇台灣的蘋果A

PPS, 但這一天的香港人多了, 我反而有點不自在的感覺......

checkout 之後放低行李, 便向我這次行程最想去的MOCA 出發! MOCA 即是當代藝術博物館, 沒錯, 又係去museum, 但呢個museum 真係好好玩, 入面既地方唔大, 當初以為會係度hea 兩三個鐘絕對係不設實際的想法.... 同埋人地個museum 並唔係只局限於建築物內的空間, 附近好多地方都發展成延伸展覽空間, 中山的地下街有作品廓 (個人認為作品有點hea, 好似以前返學貼堂作品咁), 仲有一個好多馬賽品的巨型雕塑(算是吧?) 作品的步道, 好像仲有街道表演空間的.... 人地既發展同政府這方面既支持真的比香港好好多

一樣係不定期展覽, 我去的時候有一個攝影展同一個末日展.... 我係怪咖, 末日展真係我超期待的, 比到我既感覺亦都好難忘!!

這個MOCA 入場要寄存包包的, 所以唔好拎咁多野黎, 拍照反而無問題... 我首先睇攝影展... 我睇既角度好明顥同隔離既(疑似) 學生們唔同, 人地係研究風格手法佈局, 我就估佢影D 咩 同作品名稱.... 雖然我鐘意行MUSEUM, 但我既藝術細胞冇乜, 自己發掘自己的玩法咪得羅, 一樣參觀得開心好玩!!

你估下呢兩件作品既名稱?




一開始同班學生一齊行, 有點唔自在, 所以特登行快d 去睇末日展先, 但當我走到樓梯位, 有點後悔, 樓上漆黑一片, 仲要有怪聲傳出, 再加上知道樓上既主題, 真係有d 驚, 但照上去啦.... 上到二樓, 職員姐姐突然出現(四周仍然很黑的), 來教我玩末日遊戲機, 真人互動板..... 結果我在他的監控下, 玩了兩round真人板的孖宝兄弟, 即係要我係個sensor 位不停跑先識郁, 我jump 佢又jump 既超辛苦遊戲, 完全唔想郁既我當然極速秒殺game over..... 職員姐姐又問我係邊度黎, 於是同佢吹左陣, 走既時候佢仲叫我行完返黎再玩, 睇黎佢真係悶得好緊要......

之後的展館比較平淡, 係一系列的光影圖, 之後便到world is over 部份, 單是這個門口位已經型爆!



好巨大既作品, 好型之餘其實都好精細, 做到中間個幅畫的公仔好似棒住前面的兔仔似的.... 而且好似有d 七宗罪的構思....



去的時候仲未睇過天與地, 但呢幅畫係一些如果末日會有既標梽.... 之後仲有詳細圖解可能既情況..... 其中一幅: 禁止食人.... 家明呀!!! 呢部份係令人最心寒的!



呢個好似係話d 人滿天神佛, 乜都唔理的.... 呢幾個在末日都可能會成為偶像?



好大的空間, 另住這樣的一個字....... 命運嗎???




我在MOCA 逗留了一個小時左右, 比我原定的時間少很多.... 本來見有多餘時間, 想去多一個文創地方的, 叫作垂直村落, 主要係Architecture 的.... 但我這幾日都去左好多museum, 所以都差不多夠啦.... 最後決定先去永康街食lunch, 再求其搵個站出去周圍行 -  本薯仔一真想做的無定向亂行計劃!!

先食lunch 吧.... 雖然來過台北幾次, 永康街是第一次來.... 完全無諗過要食鼎泰豐, 本來打算食牛肉麪, 或是隨意入去一間店的... 最後比度小月吸引了....... 一個人的份量是這樣的, 其實我本來想多叫一碟菜的, 但比人覺得太大食而放棄.... 這一餐以一人行算貴了...



飯後實行的無定向亂行計劃, 本來是找一個站的, 但我見我從來沒有去過大安區, 又想去大安森林公園, 便定了這裏是我亂行的地方... 前一日的漫步很不錯, 這一日的"漫步"是發神經... 我走到大安森林公園的時候, 發現"遠處"的101, 便打算走去好了, 之後還可以去大一點的誠品幫某人買書... 但以敦南店為目標真行....出發時間是1300.....

我當時看到的101, 是這個樣子.....



當我穿越了公園, 玩了一下很久沒見過的古早遊樂設施, 便繼續發神經, 很了很久, 只有一兩間店是有點得意, 只是不停的走走走..... 14:15 到達 101, 又一次憑記憶, 直奔到誠品, 買到兩本七折的書, 上到捷運, 衝回台北車站, 才發現我走了十多個站的距離...... 我要趕飛機呀, 但仲要衝埋去SOGO 買老天祿先.... CHI JOR SIN........

超級趕的衝回旅店, 點知中途比一個台灣人截位一問我的外套邊度買.... 呆了一下, 在沒時間的情況下仍是同佢地吹左一下....... 如果唔係趕時間, 我都想再傾多陣呀..... 但我仲要買查理希朗........... 之後的機場巴士仲要遲到!!!

超辛苦, 超級趕, 超級發神經....  沒去到D咩地方, 但真係一個好古怪的經驗...........

到機場CHECK IN 之後先放鬆點, 又走左去食野..... 一人行最後一站到了....