薯仔看世界

薯仔 @ SG - The Residence

文章日期：09/14/2011 09:14 am

我們決定去bintan 的時候, 打算先定了bintan lagoon 的pacakage, 之後先再找SG 方面的酒店… 本來以為SG 咁多酒店好易找, 但估唔到果度既酒店好鬼貴架!! 好普通的三四星都已經要200SGD 一晚, 仲要 online booking 既價錢係未計tax 同service charges 的 (果價錢如果係SGD200++, 即係要再加錢架, 小心小心!!)

於是我又一次的不停咁睇Tripadviser 同其他web 既comments, 一直都搵唔到想要而又岩budget的酒店… 最後係無意之中發現了這間tripadviser 排行22的Singapore Recreation Club 的 The Residence! (排頭果d 全部超貴的六星酒店)

這一間似酒店而非酒店的物體, 是一個私人會所, 近年才將它三樓的房間改為酒店對外開放, 全個”酒店” 的房間應該得30間左右, 最重要係大部份入住的都是外國人, 都可以保証唔會有自由行的出現!!! 唯一唔好的是它是part of 會所, 所以出入都是用會所的正門 (但不用擔心, 呢個古怪的會所半夜12點都仲開門, 正常來說是不會冇門口入的…) 而入會所時, 實Q 可能會問一問你, 但只要話係住係度佢地就會放你入去…..

The Residence 既location 非常之好, 位於 raffles place mall 的對角, 行過對面就是MRT City Hall站, 超方便; 但free internet, 用開iphone 的人會覺唔方便, 但我地冇也所謂 , 最多咪去raffles place 的starbucks 偷wifi!!!

同SG 大部份酒店一樣, The Residence 的房間不算大, 但要有的東西都有齊, 泳池gym room 都可以用… 而佢個toilet 雖然係淋浴設計, 但空間非常”見駛”同型, 我地都鐘意佢個toilet 多個bintan lagoon 的大浴室!

Photos of The Residence At Singapore Recreation Club, Singapore

This photo of The Residence At Singapore Recreation Club is courtesy of TripAdvisor

因為是會所式酒店, 所以services 方面冇一般酒店的24/7 完善… 我們有一晚諗住返酒店叫宵夜, 點知雖然佢寫供應時間到10點, 但原來廚房9點已經收爐… 結果肥仔開左人地包豬肉乾!!!! 早餐是包括的, 但某肥仔又一次的錯過了… 總算在最後一日食到一次咁大把!!! 食物選擇唔多, 但都好好食, 燒賣好好味!! 而且住客質素較高, 大部份是外國人, 大家都relax 咁係度hea, 唔會有搶食的情況出現 (我覺得大陸基地的sands 會有咁既情況!!)

要訂呢間酒店的最有效方法是直接去佢地個Website, send 左request 之後佢地會好快回復, 可以的話記得要求要padang 的房間, 個view 好靚的!

The Residence @ Singapore Recreation Club

http://www.src.org.sg/main/GuestRoomsMain.htm

薯仔 @ 民丹 - Bintan Lagoon 食物篇

在bintan lagoon 的三日兩夜, 本來就打算主力活動於酒店範圍, 所以我們食的方面也是食 resort 入面的昂貴食物…. 其實我們也不是食了很多, 因為肥仔病了無胃口, 所以都又得我一個人食….. 結果我地之前好有計劃的打算征服的餐廳, 最後是完全地撤底失敗…
KOPI-O

整個RESORT 最大的餐廳, 提供早午晚三餐的自助餐, 食物種類一般, 味道一般…. 最重要我們根本沒有打算在這裏食飯的!!!但因為初到達時還未適應當地的RESORT 價錢, 一時受到隔壁ORZO (Italian Restaurant) 最少要SGD 80 -100 / PAX的估計所嚇, 又見BUFFET 都有ROAST BEEF, 便行錯餐廳了…. 我真的不想也沒有想到會在
BINTAN 打邊爐!!!!

已經係最好部份- seafood 類 .

一眼睇哂既buffet 區

這個打邊爐, 原價SGD38++ EACH, 90% off 之後也要七百幾蚊兩個人!

我們的Package 本來是包早餐的, 但結果得我一個人有在這裏吃過, 肥仔每天起身的時候, 人家已經開始lunch time 了…. 早餐的確比打邊爐好一點, 我也真的吃很努力把2個人兩天的份一次過吃回來….

CAFE HELO HELO / PASAR OLEH OLEH

我們第二日出了酒店

, 去Paser Oleh Oleh 市集, 一開始都以為會好似赤柱咁, 好多souvenir 同local 野食, 話哂佢都以”印尼地道市集” 為名… 但結果係去了一個連老翻都冇既羅湖城, 一落車就好多人sell 你去食野, 去做spa.. 我地就好似變左肥羊咁… 佢地明知你岩岩先唔理佢地, 但只要你再經過, 佢又會再sell你..

我地從到達開始, 便有一種比騙的感覺, 大部份的店根本就冇開門, 有做生意的店連走近都唔想… 好彩找地的shuttle 一個小時便會返黎接我地, 初初仲擔心會唔夠時間, 唉!! 大家去bintan 真係冇必要黎呢到, 要local market 的話比多d 錢走出渡假區吧!!

我們行了5 分鐘便行完, 之後唯有搵野食, 當然呢到會平過酒店, 都冇店舖選擇, 我地以人流做決定, 走了去食一個印尼炒飯的combo (SGD5)再加coke.. 味道唔錯, 有d 辣…

食完野仲有15分鐘, 我地去左supermarket入貨, 呢個係我地出城既主要目標, 買local野食做手信同宵夜… 買了的蝦片拎得好辛苦返香港…

NELAYAN GRILL

在第一晚打邊爐的時候, 我已經決定了之後的日子要食好D, 反正都來了resort, 就不理價錢了…..於是, 第二晚的晚餐, 便決定了在沙灘旁的餐廳食grilled seafood… 這個是我最想食的地方, 而且之前看其他人的comments 也不錯, 價錢也相對合理!! 但第二晚我們先去了Mangrove 睇瑩火蟲, 之後返到酒店9:30pm 左右, 餐廳已經變成酒吧, 無dinner 食啦…..

ROOM SERVICES

無得食seafood 非常肚餓的我, 發現其他餐廳也差不多休息了…. 便唯有返房叫room services 食, 這是人生第一次食room service 呀!!

打開餐牌, 也有很多選擇, 而且價錢還得合理呀!!! 我們最後點了一份spring chicken 同 cesar salad, 再加自己出面買的MILO, 這就是我在BINTAN 的最後晚餐了!!! 很好食, 也很大份, 發覺他們的薯條好像不用錢的超多…

SELF SERVICES

我們呢D 窮人, 明知酒店D 野百物騰貴, 一早做足準備功夫, 自備私伙杯麪! 但本來以為要一日一個的肥仔, 竟然無食到, 而我也只是很lonely 的self-served 了一個做lunch, 再加上SGD 5的SNAPPLE (好貴)… 餘下的一個杯麪和薯蓉便只好從印尼拎返新加坡了…

VERADAH

最後一天, 我們也沒有食好野的機會, 無啦啦地去了family pool坐, 無啦啦的點了一個burger 餐, 以及我的cocktail (死都要飲一杯先肯走…) 我的bintan lagoon special 好好飲呀.. 其他的還可以, 仍然是多到食死人的薯條

薯仔 @ 民丹 - Bintan Lagoon 設施篇

我們去的民丹島部份是一個渡假村, 由5間酒店組成, 而我們住宿的Bintan Lagoon Resort 是五星級當中價錢最實惠的, 也是距離碼頭最遠的… 但也不會因此說這間酒店不方便, 因為來Bintan 的遊客, 基本上也是在酒店燒銀紙的, 要去別的地方也會有交通安排, 有錢就可以了!!! 既然來這裏的人都是以酒店活動為主, 我們看看這裏有什麼設施吧! 我們好像有來到 camp site (富貴版) 的感覺!

Lobby
Bintan Lagoon 的第一天, 是非常狗屎的一天, 大雨到坐在接駁車內也有滴水的情況… 和一般的resort 一樣, 在lobby 有人載歌載舞的歡迎你們, 也有迎賓的飲料供應 (蠻好喝的!), 可惜我們的心情和天氣一樣, 不想看了…..

Bintan Lagoon的大堂, 沒有泠氣, 很有熱帶風情, 也很涼快… 我們作為忙祿香港人, 還是不夠盡興.. 看著很多外國人, 很悠閒的坐在這裏, 無所事事, 連跟朋友談天也沒有, 就這樣坐著看書, 發呆, 聽band 唱唔知什麼語言的歌, 也已經消磨了一天的時間!!!

Deluxe Room

Bintan Lagoon 的deluxe room, 是最基本的房間, 但也已經很不錯的了!! 我們加了HKD200 一晚的sea facing room, 是一個騙局, 只有三層高的酒店房間, 還要隔了一大個草地, 可以看到海的什麼呢? 只可以說這邊的房間的景會比較好吧…. 不向海的房間是向行人路或是馬路的, 看你會不會坐在露台hea 啦…

房間有一個很大的活動空間…. 晚上無所事事的時候玩board game 是一個不錯的位置… 我們就把這個地方當作是我們的飯廳, room service 的托盤太大了, 放這裏剛好!! 也看過有blogger 把它改成小孩的床, 真的很不錯的空間!

房間的基本設備齊全, 但因為身於大自然, 小昆蟲出沒是有可能的喔!

Main Building
Bintan Lagoon 的主樓是酒店的房間和餐廳/bar, 也是大部人的活動範圍, 對出有很大的草地, 很多(疑似香港)人會拎住單反係度影相.... 我們的房間是3樓, 但如果從地望上去的話, 是可以看到露台的人, 以及房間內部的, 所以這方面要小心一點, 注重私隱的記得要拉上窗廉... (這一點, 我有點不喜歡呢, 令我在露台上食合味道也擔心別人看到/ 歧視...)

Swimming Pool
resort 最重要的swimming pool, 外國人最愛hea 的地方, 我見很多人也是拿著書, 點了一杯很貴的飲料/beer, 就這樣的坐很久, 小朋友就在水裏玩很久..... 這裏的泳池, 絕對是比海灘受歡迎超多的.... 我超鐘意它的pool bar, 很有feel, 浮在水裏, 一邊渴著cocktail, 很型很正的畫面, 但我看完menu 的價錢 (SGD15.99/Cocktail), 放棄了!!!

這裏人雖然多, 但沙灘槣的供應不錯, 我們都很容易找到地方坐....

這裏的泳池有兩個, main pool 的人很多, 也可以借一些沙灘波之類的玩水上basketball, 但因為肥仔病/嘔到七彩, 只有我一個人玩水, 也只可以游一游, 行下罷... 有一個位是好像infinity pool 的, 但冇view law!

這裏的泳池只開到6點, 晚上是不開放的, 所以對我們來說, 晚上的時間真的有點悶....

除了main pool 之外, 還有一個family pool... 這個有滑水梯玩的, 我只滑了一次, 發覺上去玩的全是10歲以下的, 而且滑下時水只到腰.... 也就不好意思玩了....

這個family pool 還有一些x game 的遊戲, 如bungy 同 water ball... 第一看到這個讓人走進去的water ball (SGD 8/15MIN) 超想玩的, 但看過別人玩時, 所有也在看/拍照/拍片 (即是我) .... 而且也不知好不好控制... 還是慳一點好了...

SPA
來到resort 渡假, 做spa 是一定要的... 這裏的spa 也非常乎合預期的價錢, 最平宜的是SGD99 / 60 min... 也算很好book, 我們第一天到達的時候去book, 也可以book 到當天的, 之後想改早一點的時間也沒有問題....

除了到這個spa centre 之外, 也可以選擇到會的room service, 沒有記錯的話是24小時on call, 好像是SGD68/hr... 我之前也有考慮過的, 但肥仔不做spa, 在房裏只有我一個做有點怪, 而且也覺得到spa centre 好像會開心一點...

這個spa centre 是位於leisure centre 的二樓...

body spa 當然有獨立的房間, 有淋浴設備的, 但theapist 沒有跟我說, 我也不知道我的cheap cheap spa 有沒有, 還好我沒有走去沖涼, 她在門外等我換衫, 我在裏面hea 多一陣, 她已經摧我了!!!

可以選擇的香薰油有很多, 20幾種左右, 一開始覺得很勁, 但之後要我以訓低左的姿勢, 抬起頭聞2x隻油, 很攰, 而且她很堅持地要我聞哂所有油先決定......

spa 是不錯的, 但真的是太短時間了...... 很貴的spa啊!!!! 想多做一次也不捨得!!!

除了spa centre 和到會之外, 也可以做beach spa 的, 價錢好像是兩者之間, 但似也是要除衫的, 好像有一點點open....

Beach
Bintan Lagoon 的沙灘是很出名的 (在當地), 很大很長的私人沙灘... 但我們去的時候剛要下雨, 很起來很一般, 也沒有開放水上活動了... 反而沙灘旁的360 degree restaurant, 主打seafood grill 的, 好像comment 不錯, 很想食, 但因為第二天來得太晏 (10點左右), 食不到了.....

Leisure Centre
我們第一天時因為落狗屎, 令我地以為咩都冇開....又因為冇拎遮, 離開唔到main building 既部份.... 結果我地好早食完飯無所事事大製作.....

到第二日我槷做spa 的時候才知道這個leisure centre 的位置... 前一晚本來也想去找找的, 但從main building 去的指示不足加上沒有街燈, 想行錯路唔知去左邊而放棄.... 我筧得酒店方面應該要改善一下, 下雨天告知人客有咩活動可以進行或有咩安排, 唔係所有人都可以拎本書就hea 到架麻!! 它的location 可以由正門經過一個公園仔下落黎, 又或者係family pool 果邊入去都得....

leisure centre 其實好多野玩, 除左spa 之外, table tennis, 足球機, 單車, laser games, archery, 繩綱等等全部都要係度報名, 仲有kid centre, game centre 同 board game 租借.... 我本來想玩archery 的, 但原來不是walk in 就得的, 要先register 有分時段的... 已經check out 又冇得玩的我, 結果黑哂面的等左個幾兩個鐘.... 好浪費呀!!!!!

Golf
其實Bintan Lagoon 是以高爾夫球場出名的, 我們也見很多人拿著全副裝備來這裏, 應該不錯的吧... 我們兩個窮人, 玩不起也沒興趣這個沉悶的"運動".. 肥仔高爾夫車還可能有一點的興趣, 但golf 的部份, 我但是略過了, 只知道我們從正門到酒店要五分鐘路程, 是因為要先經過golf course 的部份.....

大golf 沒興趣, mini-golf 我可是超期待的... 我在美國遊學的時候, host 和我去玩mini-golf, 之後還一定要食ice-cream 的!!! 但又是因為肥仔病左, 我又冇得玩啦!!! 但呢場也有點頹, 沒有人玩的.....

Local Tour
如果覺得酒店太悶, 或是想出去走走, 也不是沒有迉法的, 有錢就可以了.... 酒店有一些local tour 安排, 只要到大堂左手邊的counter 登記, 到時候再在這裏集合和付錢, 就可以出發了!!! local tour 之中, 以mangrove tour 和晚上版的 lightflies tour 最受歡迎.. 但價錢也不平的, SGD68/PAX... 本來也想過去印尼本土的地方/漁排之類看看的, 但要百多元SGD, 太貴了!!!

如果多人也可以租車自己去玩, 但我們只有兩個人, 租車蝕爆!! 如果想出去其他地方或食KELONG SEAFOOD 的, 可以找他們安排或訂位, 我只是找他們寄Postcard 而已......

薯仔 @ 民丹 - 小型大製作

"無花無鑽石戒指無大製作無森林家族/precious moment (正版)無誠意!!!"

這是我過去多年以來的口頭彈, 而我想要的"大製作" 也終於在bintan 出現了!!

首先要澄清一下, 我期望中的”大製作”, 並不會是什麼經天地泣鬼神的project, 更不會是在很多人的環境下”迫婚”… proposal 是很個人的東西, 我要的是兩個人的環境, 再加一些有計劃過的行動,當然要再加上precious moments… 這樣就夠了!!（很易滿足吧!!!）

***********************************************
我實在太了解某肥仔了, 他的行動也太好預計了, 只是不知道它的全盤計劃而已…. 話說我在n 年前曾說過要在外國的地方(最好係北海道) proposal 才可以, 以及要在2x歲前嫁得出… 結果某肥仔的計劃是在bintan 實行….

可惜某肥仔唔知有心定無意, 在出發前已經放了一點風聲, 但問題是我想太多了, 以為他是特登這樣令我以為他會在旅行中出手, 然後會在之前或之後surprise… 實在是太高估他了, 他只是不發現自已說了….

Anyway, 肥仔大計劃還是要紀錄一下的….

當我在浴室唔知做乜時, 肥仔就好忙的準備, 也只是三件道具而已, 應該唔駛好多時間…. 可惜我係完全唔理周圍的, 也就若無其事的回到床上看電視, 看了半個鐘左右, 中間也有從床頭櫃拎野, 但偏偏無發現到precious moment 的存在… 到發現了的時候, 也就以為就這樣而已(以肥仔的浪漫程度也只好接受了….) 原來另一邊床頭還有一隻的…. 最後本來有人想我在房裏找戒指的, 但我一於少理, 等某人忍唔住自己拎出黎…. Hohoho, 好燦眼呀(戒指盒的燈..)!!!

計劃雖然不算很大, 但誠意搭夠啦!!! 而且我真的覺得比其他人的銀彈攻勢或是大庭廣眾的proposal 好好多, 但如果有d 手作仔就更好了!!!!

Diamond 係好重要, 但要咁大粒又點, 我都唔要一年換一次大粒d 的stupid idea…. 呢方面我是非常容易滿足的, 擔心我其他的bridezilla 徵狀比較好….

最後, 我想總結的是某人好鐘意拎好多野去外地搞大製作…. 對上一次的生日@macau 都係, 之後也是玩自己的要拎好多野返黎…..

TO 某肥仔:

說好的part 2 呢??

P.S.本來因為這個BLOG 有點多字, 又冇圖, 所以想將以前DTAC 的COPY 過來, 點知DTAC 摺了, 最後比我搵到呢個WEBSITE, 都OK 易用, 仲有好多古靈精怪的配件.... 但當然唔可能用呢個製作Q版公仔啦, RESOLUTION 太差了! 但用來玩玩都OK 呀!

比返CREDIT 人地先: http://www.myotee.com/info/

薯仔 @ 民丹 - 係邊樹?

每一次去旅行, 大家很自然地會問:"去邊度玩?" 但大家有沒有諗過對方會講出一個你唔識的地方呢??? 這個情況在上一個月不停的出現, 由一開始跟大家解釋"民丹島係新加坡對出一個印尼既島, 但又借左比新加坡..." 到後來放棄解釋, 就當我們去新加坡算了...

既然寫遊記, 就先來給大家上一課我最討厭的 GEOG 吧! 民丹島位於新加坡的東南方, 而我們前往既渡假區其實只係整個島的北部, 其他地方才是地道的印尼..... 下面的地圖夠清楚了吧, 其實Bintan 是很多新加坡人的 short trip 地點, 也是很多外國人relax 既地方, 香港人和自由行的同胞不算多, 但好像也有日益增加的趨勢....

除非本身已經在印尼旅遊, 99%的遊客都會從新加坡的Tanah Merah Ferry Terminal出發, 記得要先訂票, 船程大約55分鐘, hea一陣就到!!

去bintan的船不會很多, 大約1-2小時左右一班, 而我們搭的CX 12:30PM 才到SG, 我們因為不敢肯定可不可以搭到1400 的船, 所以先訂了1700 的船票, 打算趕得及的話加SGD5 改時間(當然subject to availability 啦!) 我們到達機場之後, 好快就過完關, 某肥仔仲好搞笑咁未拎行李就跟左人行綠色通道出閘, 好彩本薯仔在最後一刻叫停....

我們拎好行李上的士才12:50, 1300 已經到了碼頭, 時間算非常鬆餘... 但當我們到達ticket office (右上角的相) 想改時間的時候, 某肥auntie 睇都唔睇就話full 左冇位... 我地灰左之餘, 本薯仔唯有死纏爛打問佢有冇Waitlist, 佢話要等到1330, 叫我地企係度等, 咁我地都冇法啦, 碼頭附近冇野行, 等下一班船要3個鐘呀!!!! 1分鐘後另一個staff 見我地企係度就問我地, 之後馬上幫我地改時間出埋boarding pass....

這一張就是boarding pass, 只有SG出發的才有, 從Bintan 返來的時候只是一張A4紙... 記得即使不用改時間, 訂了票的一樣要先去ticket office 換boarding pass, 唔係寄唔到行李的!!!

我地由SG入境到出境不到2個小時, 經過超容易的海關區, 就到這個等候區了, 這裏的船不是全部去BINTAN 的, 但其他去什麼地方就不知道了.... 很多人在這裏入定BEER!!!

經過三四層的Checking, 我們正式上船.... 跟很多人形容的一樣, 好像香港去澳門的感覺....

要填入境表的, 這一天我填了很多張... 很悶!

到民丹啦, 很有tropical feel 的海關, 好像是沒有冷氣的...

一出碼頭先見到的鷹, 但我們當日沒有理它啦, 落緊狗屎呀... 我們只是以最快的方法找到我們的shuttle, 想check in 而已... 每一間resort 都會有shuttle在這裏接人的, 但我們住bintan lagoon 好像沒有碼頭的地舖 (只有SG 果邊的吧).. 也不要緊吧, 有車車我們就可以了!!!