薯仔@越南HCM - Sinh cafe之江湖地位?! (Part 2)

Cao Dai & Cu Chi Tunnel One Day Tour

第二次join local tour, 一上車, 又係同一個tour guide....一上車就問我地, "do you remember me??" 唉..... 但全日我不停咁話佢係上次個guide既孖生兄弟, 呢日佢不停咁搞gag..."my name is duc, not duck...." 滴汗.....仲記得上次佢話d 動物酒時, "man more powerful" 真係笑死人啦.....

今日又見識到Sinh cafe 既厲害, 張receipt 安排埋座位, 等大家唔駛搶位坐... 之後3 個鐘頭既車程, 中間安排大家落車break 下去toilet, 係一間handicraft 工廠停車, 全程冇提過呢間廠, 但d外國人叫到d handicap 既工人, 又係佢地最interest 既handmade handicraft, 真係好大機會會買野law.. 一睇到間廠d價錢, 全部USD, 又有咁大個Showroom, 好明顯係sell 野架law...
古芝地道, 係當年打美軍時用既...爬地道既時候有啲驚, 我後面啲人全部提早出哂去, 搞到我包尾, 唯有死跟前面個鬼仔, 爬出黎既時候全身出哂汗.....

\

但今個local tour 好多時間搭車law. 其實係vietnam 旅行真係spend 左好多時間係交通上, 到last day 既時候先發現好多地方都未去過, 平時行既地方, 可以唔駛地圖都得, 但最後又比我地發現好多新地方可以行而又冇時間.....下次去旅行要注意下先...

薯仔@越南HCM - Sinh cafe之江湖地位?! (Part 1)

今次去vietnam玩一啲都唔難, 因為我地會join local tour. 睇咗好多既blog 同介紹, 都係講呢間叫sinh cafe 既travel agent... 咁我地都跟大隊join 佢地既local tour. 一日去左mekong delta, 一日去左古芝地道....兩日既行程都咁啱係同一個tour guide, 以usd10左右既價錢, 有咁既package.... 今時今日咁既服務資素太好啦!!

<朝朝都會出現既場面, 唔同國籍既人都係度集合.....我都想知周圍拍緊烏繩既agents, 除左眼紅之外, 仲可以點??>
Mekong Delta (My Tho & Ben Tre) one day tour

一個搭船多過搭車既團, 主要係Ben Tre 附近既島參觀, 主要係nature 方面既, 全個tour 得我地兩個係香港人, 但好多法國人呀, 不停都聽到周圍d人parler francais!!! 都有d衝動同佢地practice 下我啲BB 班LEVEL.....

<全日四島遊既地圖>

呢個團都有幾多sell 野位, 但唔似香港d 旅行團咁hard sell....最搞笑係個tour guide 一講完就趕我地走, 唔比時間我地買野.....可能佢肚餓趕住食lunch 呱??

<我地既lunch, 可樂係自己買的, 仲有菜湯同龍眼tim!!! 件bbq 豬扒好好食>
食完lunch 之後, 就參觀其他地方, 仲有生果食做tea... 之後就坐秈舨遊河, 我地得兩個人, 於是就同之前識左既德國女仔一條船....join local tour既另一個特色就係可以識其他國家既人, 特別係d 五六日既tour, 但我地呢個tour 得一日, 所以冇乜機會....\\

<小朋友都出黎搵食, 仲快過大人tim>

其實我由一開始個tour已經開始研究sinh cafe , USD 10 位, 包食包車包tour guide, 仲有支水同nuts, 到底點圍本呢, (我睇返酒店既tour, 同一個團要USD 30-40架) 而且佢個tour 既planning 都好好, 完全唔行回頭路, 個個島都係一條路行一個圈咁....佢個tour guide 都係我研究既範圍, 佢日日咁出團, 講英文應該多個vietnamese wor!!! 而且佢仲自己做埋講解啲製作過程... vietnam 啲人英文唔多得既前提下, 佢人工到底幾多呢????

薯仔to be @ HCM - 遊遊蕩蕩

當我同人話我會去越南旅行時, 都會有以下的反應:

"吓, 做乜會去vietnam??" "自由行, 唔危險咩??" "vietnam 有乜好玩呀?""越南去五日, 有咁多野玩咩??"

唔否認, vietnam 唔係一個common香港人會去旅行的地方, 會咁唔代表冇野好玩架wor!. 長大了, 反而想係後生的時候去一些將來可能唔會再去的, vietnam 可能就係其中一個..... 而且, 我其實想去呢個地方好耐啦, 今次終於有機會啦, 要食多啲牛肉河粉先得.

薯仔@台北 - 異地過新年

今次去旅行, 同伴係我既肥老豆波比, 從來未搭過飛機既佢, 終於可以衝上雲霄啦.....

我地今次既目的地係台灣, 我已經去過2次台北啦, 真係開始悶架啦, 而且我呢d浪人今次仲要跟團.....天呀....最重要係我去既日子係2月7日至2月9日..大年初一二三呀, 超級貴呀!!!!

今次既團其實都COVER哂所有要去既地方, 但我唔要同D唔識既人食飯呀, 我要離團...OR返酒店睇電視都得wor, 反正我本身都係睇台灣d電視節目多d!!!

*************************************************8

今次係我第2次唔係香港過新年, 之前係去美國exchange 既時候, 同返班香港exchanges or 留學生食團年飯....而今次, 係純粹去玩.....

本來一直都唔諗住新年黎台灣, 話哂中國人地方, d舖頭全部唔開點算, 但經過旅行社再三保証, 又真係冇其他choices之下, 落實左我既台灣之旅....

結果係機場見到康泰老細派利是, 好心派埋比隔離團啦, 唔同旅行社ja ma!

去到當地, 其實唔係好feel 到新年氣氛, 九份, 西門町差唔多所有舖頭都有開門, 士林好似仲多人過以前...

台北101 多左個福字, 都幾靚架

最後一日係橫風橫雨之中去左淡水碼頭, 水靚河飛, 算到此一遊吧! 可惜去唔到我想去既台北故事館....下次再去, maybe...

薯仔@廣東盤龍峽 - 知足常樂

自得其樂

搵食艱難

薯仔@廣東盤龍峽 - 薰衣草都係北海道既好!

一直想既薰衣草田, 應該係一望無際既紫色, 又或者係一望無際彩色既花田, 去唔到北海道, 諗住望梅主渴, 但結果都係唔得架, 都係要支持正版先得....盤龍峽薰衣草田都ok 大, 但唔係"一望無際既紫色"既感覺, 而且總係覺得有大陸人參觀既話, d薰衣草會好快玩完....而且當地d 花農/園丁好鬼惡死, 行近少少都但阻止你, 我明白佢地既做法係要保謢薰衣草, 但會令人好唔開dum 架ma!!!

<薰衣草影得最好既一張, 可惜唔係係盤龍峽影既, 攝於世外桃源附近, 面積唔大, 但開得燦爛>

<盤龍峽最hard sell 既薰衣草同風車, 但比我既感覺係唔知差d 咩架>
HIKING ALL THE DAY
參觀盤龍峽既薰衣草之外, 仲有做運動, 我由山頂行到落山腳架, (上山係搭小火車既) 因為你要睇沒瀑布, 一定要行!! 但d路唔算太辛苦, 只係不停咁落樓梯.... 其實都ok gei, 但行左一個鐘頭左右會覺得冇乜太大分別架啦, 但香港人ma, 有幾可會回歸大自然呢, 放鬆下law!!! 中間有得玩空中飛人, 由一個山頭飛去另一個, 我以前係amazing race 見到一直都想玩, 但係大陸就........而且肥仔都唔想我玩.!

<盤龍峽第二主打既瀑布同水車, 但我去既時候水量唔多, 所以都唔係太特別, 最好黎既時間應該係夏天, 有埋激流玩tim>
盤龍峽既住宿選擇有3 個, 我住既"五星級的家", 山上外婆屋, 同有天窗既薰衣草木屋... 因為有位好導遊, 我地去哂成個盤龍峽參觀之餘, 都有見過哂3 種屋....個人一定唔會住外婆屋, 多蚊之餘, 半夜係個山上面叫天不應, 叫地不聞咁點算....星星屋都ok 架, 出面就係薰衣草田, 但記住第二期果d 先有天窗wor! 其實酒店都唔錯架, 保證有熱水供應!!!

<唔知點解大陸既酒店, toilet 一定要係透明的, 但又要有得落簾, 但佢d房真係幾靚>
果晚原本想去佢個森林温泉的, 但去到個reception 姐姐話" 我地個電爐壞左, d水唔係燒得好熱...."温泉水要燒架???? 算啦, 反正寒流襲港ma.....返房沖熱水涼好!!

薯仔@廣東盤龍峽 - 會考又黎啦??!!

估唔到唔駛做audit, 但都仲係o係大陸count down架....

今次join 左個三日兩夜既廣東短線團, 去d 港姐拍野既盤龍峽, 睇d 相就好靚啦, 但唔知係咪真係jei, 冇錢去北海道睇花田呀ma...今個團以自然為題, 有以前中文教既<竹林深處人家>, 以前geography 教既erosion cave (唔記得哂lu) 同埋主打既薰衣草田..

竹海大觀

我都唔知點解, 次次見到竹林都會諗起<竹林深處人家> 呢課課文, (之前初哥教得太好啦...)以前去study tour 都係咁, 而且唔止我一個, 我地成班同學都一樣傻左, 不停咁repeat 返d 課文出黎.. 今次既竹林冇上次既咁壯觀, 但都ok, 但去既時候啱啱日落....

<成個山都係竹林, 冇係竹林入面, 冇"柳暗花明又一村"的感覺>

<我地就係坐呢d船去睇竹林, 要自費架, 四隻船連埋架, 可以"火燒連環船"架, 但船夫仲會唱歌, 香港流行曲tim, 但好out 果d....>

燕岩

第二日去世外桃源同燕岩, 今次同geography 有關啦.....世外桃源turn out 只係好artificial 既地方, 而燕岩就好啲同好壯觀, 雖然兩個地方都係因為erosion 而造成, 但個tour guide 一啲都冇去解釋, 反而不停咁同我地講d 石頭似d 乜神也神咁...而我地一落車, 都會有一大班小朋友衝埋黎, 做小小講解員, 個個都已經背好哂d台詞, 唔理你請唔請佢都話比你知....

燕岩比較壯觀既原因係小d 人工化, 成個岩洞都係取天然光, 因為冬天, d燕子已經走哂, 但仍然好怕有雀屎.... 洞上面一支支既係比d人爬上去採燕窩既..仲有人表演徒手爬岩tim, 但冇乜特別...

今個團既另一特點就係長途車, 呢一站之後, 我地坐左3 個鐘頭車去盤龍峽呀...